Перименопауза – период пред менопаузата

Вообичаено овој период пред менопаузата трае четири години. Кај некои жени може да е воочлив и само неколку месеци, но кај некои може да трае и подолго од четири години.

Периодот пред настапување на менопаузата се нарекува перименопауза. Овој таканаречен преод започнува неколку години пред менопаузата. Во периодот на перименопаузата телото постепено почнува да произведува помаку естроген. Започнува на различна возраст, вообичаено на почетокот од 40-тата година кај жените. Кај некои жени може да почне многу порано. Не се знае која е причината за пораното или подоцното започнување на перименопаузата.

Се смета дека перименопаузата завршила кога во продолжение од 12 последователни месеци жената немала месечен менструален циклус.

Нема категоричен одговор колку трае перименопаузата и секој е строго индивидуален. Вообичаено овој период пред менопаузата трае четири години. Кај некои жени може да е воочлив и само неколку месеци, но кај некои може да трае и подолго од четири години.

Симптоми

  • Жешки бранови;
  • Чувство на болка во градите и напнатост;
  • Ниско либидо;
  • Поболен и непријатен ПМС од вообичаеното;
  • Замор;
  • Неправилен циклус;
  • Вагинална сувост;
  • Инконтиненција при кивање, кашлање, смеење;
  • Проблеми со спиењето;
  • Променливи расположенија.

Матичниот гинеколог е тој кој може да ја дијагностицира менопаузата правејќи тест на хормоните преку крв. Сепак, за време на периодот на перименопауза, нивоата на хормоните често варираат. За максимално точен резултат е добро да си направат неколку тестови во различно време, според сугестија на лекарот. Се смета дека некои промени во начинот на живот можат да ја подобрат состојбата во перименопауза:

  • намалување (откажување) на цигарите и алкохолот;
  • физичка активност;
  • јога;
  • респираторни практики.