Сосема неочекувано угризот, веројатно, ќе предизвика бурна реакција кај вас. До некаде и оправдано, но пред да се налутите, имајте на ум дека бебето не разбира дека тоа што го прави е болна работа. Нему му изгледа како игра, затоа и се смее, додека тоа го прави. Се разбира, не треба да трпите болка, но не треба ниту да му забраните да цица. Вистинското прашање е што треба да направите, еве неколку предлози…
Што да направите ако вашето дете ве гризнало?
- Веднаш тргнете ја дојката. Наместете го детето покрај вас и строго кажете му дека не смее да гризе и дека тоа боли! Ако детето заплаче, утешете го, немојте веднаш да му ја нудите дојката.
- Кога следниот пат ќе го доите вашето бебе, пофалете го дека добро ја држело дојката и ја пуштило по завршување на хранењето. Со тек на времето детето ќе научи да поврзува пријатен и непријатен однос кон него како резултат на неговото однесување.
- Помеѓу осмиот и десеттиот месец, многу бебиња при доењето почнуваат болно да ги штипат дојките. Веднаш спречете го тоа однесување. За него тоа е нормална развојна фаза на фината моторика, па вежба каде било и на што било. Интересно му е за време на хранењето да си игра со прстите. Јасно ставете му на знаење дека не ви се допаѓа штипењето на градите и дајте му во раце некој предмет кој ќе ја задоволи неговата љубопитност или потреба за вежбање на моториката.
Понудете му алтернатива
Се што може да фаќа со прстињата, разни игри, автомобили со тркала… – може да помогнат. Штом еднаш ќе штипне, веднаш земете го пред себе и со сериозен тон објаснете му дека тоа ве боли, да не го прави и понудете му да прави нешто друго што вас нема да ви пречи, а може да му биде интересно. Ако детето повторно ве штипне, повторно земете му ја дојката и повторете му дека тоа не смее да го прави. Со тек на време ќе ја научи разликата и нема повеќе да го прави тоа.
