Научниците откриле изненадувачка поврзаност на имунолошкиот систем со седата коса. Освен што косата станува седа како што луѓето стареат, некои обелуваат многу порано во животот, што е, всушност, предизвикано од гените, барем делумно. Но зошто тоа се случува поради стрес или болест, е се уште необјаснето.
Токму поради оваа причина истражувачите од Националниот институт за здравје и од Универзитетот Алабама во Бирмингем дошле до заклучок на неочекувано место – човековиот имунитет.
Кога организмот ќе го нападне некој патоген, имунитетот реагира веднаш. Неспецифичниот имунитет е на прва линија на одбрана, а потоа следува специфичниот, кој го брани организмот од сите „натрапници“
Главниот истражувач Мелиса Харис, асистент на Катедрата за биологија, објаснила како дошле до изненадувачката поврзаност помеѓу косата и имунитет.
Тие заклучиле дека кај оние кај кои имунитетот работи, односно се брани од нешто, седата коса расте побрзо. Истражувачите велат дека гените кои го контролираат пигментот во косата и кожата, исто така, работат на тоа да го контролираат тој иницијален имунитет. Ова ќе им овозможи на истражувачите дополнителни аргументи за проучување на болестите на пигментацијата како витилиго.
