Идеална состојка за салата, смути, како и готвени јадења – целерот не само што ќе обезбеди неверојатна арома на вашите оброци, туку и изобилство од корисни нутритиенти. Целерот претставува добар извор на витмини од Б-комплексот и витамин Ц, како и калиум, манган и железо.
Исто така, активните состојки во коренот на целерот како што се лутеолин, апигенин и кемпферол делуваат противвоспалително. Истражувањата покажале дека апигенинот го намалува ризикот од појава на карциноми на простата, панкреас, желудник и дебело црево. Освен целерот и магдоносот, босилекот, ориганото и чајот од камилица, исто така, претставуваат добри извори на апигенин.
Целерот е природен диуретик, па благодарение на оваа своја карактеристика поттикнува и детокс на организмот. Калиумот од целерот, исто така, помага во регулирањето на крвниот притисок и на тој начин помага во превенцијата од кардиоваскуларни заболувања.
