Повеќето веќе доволно знаат за важноста на витамините за организмот и се трудат да ги внесуваат во задоволувачки количества. Меѓутоа за значењето на витаминот Ф, кој организмот, инаку, не го создава, не се знае доволно, иако опфаќа група на супстанци неопходни за нашиот живот. Овој витамин игра главна улога во создавањето на одбранбената рамнотежа, а претставува и база од која се синтетизираат другите заситени масни киселини, објаснуваат стручњаците.
Последица од неговиот недостаток е губиток на вода од организмот, што се отсликува преку претераната жед. Заради недостаток на витаминот Ф, исто така, може да се јави лупење на кожата (првут). Доколку постои хроничен недостаток може да се јават и заболувања на крвните садови во вид на атеросклероза, флебитис, тромбоза, инфаркт на миокардот, исто така, и пореметување во работата на црниот дроб, како и намалена отпорност на вируси и бактерии.
За организмот да се снабди со оптимални количества дневно треба да се внесат од 10 до 20 г од овој витамин, што, за жал, ретко кога се случува. Полузаситените масни киселини во кои се наоѓа витаминот Ф, се сконцентрирани во семките од маслодајните растенија – сончоглед, лен, мак… А за да се задоволат дневните потреби доволно е, на пример, да се испијат само 2 лажици ладно цедено сончогледово масло.
