Придржување до режимот на земање лекови подразбира земање лекови на препишаниот начин – во одредена доза, во вистинско време, на правилен начин и во правилни временски интервали, предупредува Американската агенција за храна и лекови – FDA.
Зошто е ова важно? Едноставно кажано, кога луѓето кои не ги земаат своите лекови на начинот на кој им се препишани од страна на лекар или онака како што им е советувано од фармацевт, може да се случи да дојде до влошување на болеста, потреба за болничко лекување, па дури и смрт.
Американскиот Центар за контрола и превенција на болести (CDC – Centers for Disease Controland Prevention) проценува дека непридржувањето кон дадените упатства е причина за неуспехот кај 30 до 50 отсто случаи на лекување на хроничните болести, како причина за 125 000 смртни случаи годишно во САД. Кај 25 до 50 отсто од пациентите кои во рок од една година ќе престанат со земање на лекови за намалување на холестеролот, доаѓа до зголемување на ризикот од смрт за 25 проценти.
Многу пациенти не се придржуваат кон упатствата за земање на лекови, кои ги добиле од давателите на здравствени услуги од повеќе причини.
Некои не ги разбираат упатствата, некои се заборавни, за некои е потешкотија земањето на повеќе лекови со различни режими, некои се двоумат поради несаканите ефекти кои предизвикуваат непријатности, а на некои луѓе им изгледа дека лековите кои ги земаат не делуваат
И цената може да биде причина за непридржување до упатствата, во ситуација кога пациентите не можат да си дозволат да платат за лековите, па земаат помала доза од пропишаната за лековите да им траат подолго.
„За да се постигнат најдобри резултати во лекувањето, земање лекови во согласност со пропишаниот начин е исклучително важно“, изјавила Кимберли де Ронзо, директор за безбедност на потрошувачите во Центарот за евалуација и истражување на лекови при Американската агенција за храна и лекови – FDA (FDA’s Center for Drug Evaluationand Research).
Осум совети кои можат да помогнат:
- Земајте го лекот секој ден во исто време.
- Поврзете го земањето на лекот со некоја секојдневна рутина, како што е миење заби или подготовки за спиење.
- Пред да одлучите да земете лекови со некои од оброците, проверете да не треба да ги земате на празен желудник.
- Водете „календар на земање лекови“. Држете го до лековите и забележете во него секој пат кога ќе ја земате дозата.
- Користете „контејнер“ за лекови. Некои модели имаат делови за повеќекратни дози кои се земаат во различни периоди од денот – наутро, на ручек, навечер, во текот на ноќта.
- Кога користите „контејнер“ за лекови, полнете го секоја недела во исто време, на пример, секоја недела после појадокот.
- Земете доволно лекови ако патувате, па и за неколку дена повеќе, во случај да треба да го одложите враќањето дома.
- За време на патувањето со авион, чувајте ги лековите во торба која ќе ја понесете со вас во кабината. На тој начин ќе ги избегнете потешкотиите во случај на изгубен багаж, а и температурата во просторот за багаж во авионот може да им наштети на лековите.
