Една чаша на бадемово млеко содржи 60 калории наспроти 146 калории во обично кравјо млеко, што го прави ова млеко одлична ниско калорична замена во насока на задржување или намалување на телесната тежина. Млекото од бадем не содржи холестерол, но затоа има висок процент на здрави масти (како омега киселини, кои се наоѓаат типично во рибата), кои помагаат при висок крвен притисок и болести на срцето.
Иако не обезбедува калциум како кравјото, бадемовото млеко нуди 30 % од препорачаната дневна доза како и 25 % од потребната дневна доза на витамин Д и на тој начин намалувајќи ги шансите за заболување од артритис и остеопороза како и подобрувајќи ја имунолошката здравствена функција.
Овие две состојки во корелација функционираат за одржување на здравјето на коските и забите.
Во бадемовото млеко се содржи и витамин Е, кој како познат антиосидант со своите својства го штити здравјето на кожата, особено од сонцето.
Бадемовото млеко (без адитиви) има низок процент на јаглехидрати и поради нискиот гликемински индекс телото од него ги користи шеќерите како енергија, а не како шеќер кој ќе го складира во масти.
Иако бадемовото млеко содржи само еден грам протеини во 250 мл сепак изобилува со витамини од Б групата, како и со железо и рибофлавин, кои се важни за зајакнување и растење на мускулите. Во истата количина бадемово млеко има и еден грам растителни влакна кои се клучни за здраво варење на храната. Ова млеко не содржи лактоза.
Домашно бадемово млеко
100 г сурови бадеми оставите ги осум до 12 часа да се киснат во вода. Потоа се лупат, се ставаат во блендер заедно со еден литар вода и се миксираат. Се оставаат 10 минути, па потоа се процедува водата за да се издвои мелениот бадем. По желба може и да се остави. Дополнително може да се заслади со мед или јаворов сируп. Не мора да се чува во фрижидер.
