Аналгетската активност на капсаицинот, кој се наоѓа во чилито е позната одамна, па така овој зеленчук се користи како природен аналгетик за отстранување на умерените главоболки.
Чилито помага и во разградувањето на мастите во телото, па е исклучителен сојузник во борбата со дебелината. Освен тоа моментално ги отвора дишните патишта, делумно поради лутината. Она што нема да се почувствува веднаш е разградувањето на слузта, катранот и нечистотиите во белите дробови. Токму поради тоа се советува на пушачите и лицата кои проблеми со дишните патишта, да консумираат чили.
Научниците истакнуваат две важни состојки во чилито: каротеноиди и етерични масла.
Црвена боја му даваат каротеноидите, а маслата се оние кои печат и лутат додека се консумира, односно влијаат на вкусот. Капсаицинот создава чувство на пецкање, бидејќи се врзува со рецепторите за болката. Меѓутоа, таа болка е незначителна, доколку се знаат лековитите својства на чилито, а целосно е занемарлива доколку сакате луто.
