Експертите велат дека постојат одредени видови главоболки кои укажуваат дека нешто не е во ред со вашето здравје. Доколку сметате дека главоболката ви е невообичаена, нема да ви наштети да посетите лекар, бидејќи никогаш не е на одмет кога станува збор за вашето здравје. Препознајте која главоболка ве мачи.
Медицинска помош треба да побарате доколку главоболката ве буди од сон, доколу интензитетот е многу силен или ако како последица го губите видот, доколку чувствувате мачнини и имате вртоглавица.
Главоболката што ја добивате кога сте напнати не е причина за загриженост, освен ако не предизвикува силна болка. Можете да земете лекови против болки и да продолжите со вашиот ден.
Мигрената предизвикува умерена до тешка болка, но може да трае подолго време – од четири часа до три дена. За жал, причината и покрај многуте истражувања не е позната.
Кластер главоболката е исклучително болна и исцрпувачка. Таа се појавува во серија (кластери) кои траат неколку недели и тоа во едното око или околу него. Болката е толку силна што пациентот дури и не може да седи.
Синусната главоболка е последица на воспаление на синусите. Болката оди од носот до челото и јаболчниците.
Хормонската главоболка е специфична за жените во периодот на хормонални промени (менструација, менопауза или бременост). Контрацептивни апчиња, исто така, може да предизвикаат главоболки.
