Во обидот за разладување, а особено ако нема клима уред, многумина се обидуваат на различни начини да ја оладат спалната соба за спиење. Доколку и вие, како и голем дел од другите луѓе, се обидувате да го решите проблемот со вентилатор, па спиете во соба со него, размислете повторно. Како што пишува „The Sleep Advisor“, вентилаторот „го поместува“ воздухот во собата, па предизвикува подигнување на прашината од подот или полиците и останати честички, кои на тој начин многу лесно стигнуваат во синусите.
Ако страдате од астма, алергии и слично, тоа мало „ветре“ што го создава вентилаторот може да ви направи повеќе лошо отколку добро. Се разбира, и самиот вентилатор во себе собира прашина, особено ако не го чистите редовно.
Следната негативна последица на спиење во просторија со вентилатор е сувиот воздух, кој ќе ја исуши кожата на лицето. Покрај тоа, некои луѓе спијат со полуотворени очи, а ладниот воздух од вентилаторот може да го исуши окото и да предизвика иритација. Исто е и со отворената уста.
Запушен нос и главоболка
Научниците велат дека синусите се најмногу на удар, бидејќи константното вдишување на ладен и сув воздух влијае на телото, така што се создава повеќе слуз во носот и грлото, со цел да се компензира сувоста, што доведува до запушен нос, главоболка и слично.
Она што можеби ќе ве изненади е болката во мускулите. Ако се будите со болка во одреден дел од вашето тело, може да го обвините вентилаторот. Поради концентрираниот и студен воздух, мускулите се стегаат и грчат. Ова е често случај со лица кои спијат со вентилатор во близина на лицето и вратот.
