Наутро станувате уморни и нервозни затоа што не сте се наспале. Истражувањето покажало дека 35 отсто од возрасните личности имаат несоница неколкупати неделно, а 23 отсто се будат барем еднаш во текот на ноќта.
Една од причините е стресот, стручњаците советуваат да се опуштите пред спиење, а во тоа најмногу може да помогне топла бања, смирувачки чај или масажа.
Причина за будењето може да биде и несоодветен душек, па се препорачува промена на истиот барем на седум години. Испрекинатиот сон ќе ви биде речиси загарантиран доколку вашиот партнер ’рчи или живеете во бучна околина. Вревата можете да ја ублажите со спуштање на ролетните и со самото тоа да го спречите влегувањето на силна светлина во спалната соба. Една од причините за честото будење е и внесувањето на преголеми количества течности во организмот. Консумирањето алкохол ќе ви помогне побрзо да заспиете, но и почесто да се будите.
