Речиси секој знае дека оброкот пред спиење треба да биде лесен и необилен, за да не се наруши сонот. Масната и зачинета храна, како и храната богата со шеќери мора да се избегнува, бидејќи предизвикува надуеност заради која немирно спиеме.
Сепак, постојат и намирници кои не ги сметаме за нездрави и не ги избегнуваме во секојдневната исхрана. Сепак и тие не се препорачуваат како избор за вечера.
Тврди сирења
Само едно парче или неколку коцки тврдо сирење може да не држи будни цела ноќ. Особено ова се однесува на сините сирења, чедарот или пармезанот кои се предизвик за системот за варење кога сме во хоризонтална положба. Препорака е да се јадат најдоцна четири часа пред спиење
Темно чоколадо
Иако ја сметаме за поздрава опција од млечната, или пак од парче торта или сладолед, сепак и темното чоколадо може да не лиши од квалитетен сон. Треба да се јаде најдоцна до 16 часот, бидејќи е извор на кофеин. Две коцки темно чоколади содржат четвртина од кофеин од една шољичка кафе.
Говедско месо
Говедското месо е одличен извор на протеини и маснотии, но тие может сериозно да го забават варењето во вечерните часови. Заради тоа се препорачува да се јаде најдоцна до четири часа пред легнување.
Храна и напитоци со мача
Веројатно веќе сите знаат за моќите на оваа супер храна, но можеби им е непознато дека овој зелен чај во прав содржи содржи кофеин кој може да создаде проблеми со сонот.
Сувомеснато
Идејата да се касне сендвич со сувомеснато за вечера не е добра. Големите количества нитрити ќе ве надујат, а и ќе се чувствувате жедни, па има опасност ноќта да ја поминете шетајќи се до тоалетот.
