Силна, изненадна и чудна болка во мускулите? Имате грч. Грчевите може да се појават било каде во телото во било време, па дури и додека спиеме. Без разлика на тоа кој мускул во телото е зафатен, одвнатре се случува истото: нашите мускули нагло се стегаат кога тоа не го сакаме. Неколку работи може да доведат до појава на грчеви.
МОЖНИ ПРИЧИНИ
Недоволно вода во телото
Гречевите може да бидат телесен начин, организмот да ни каже дека ну треба вода. Други знаци вклучуваат вртоглавица, главоболка и запек.
Високи температури
Телото губи течности кога работиме или вежбаме во топла просторија и тоа може да доведе до појава на грчеви. Тоа делумно може да се случи оти мускулите имаат потреба за вода, но и затоа што со потењето се исфрлаат важни минерали – електролити кои им помагаат на клетките во мускулите на функционираат правилно.
Лекови
Лековите кои се користат за контрола на холестеролот и оние кои му помагаат на телото да се ослободи од вишокот течности, се само два типа на препарати кои како нуспојава може да доведат до појава на грчеви. Потребно при ваква појава да се поразговара со лекарот кој ви ги препишал.
Лоша циркулација
Ако грчевите се случуваат за време на пешачење, тоа значи дека мускулите можеби не се доволно обезбедени со крв. Тоа може да се случи со годините или ако немате доволно физичка активност. Исто така може да биде причинето од состојба наречена – клаудикација, кога артериите стануваат претесни и крвта не може лесно да минува. Потребна е лекарска помош.
Месечен циклус
Некои жени за време на месечниот менструалниот циклус имаат грчеви. Тоа се случува оти женското тело произведува одредени хормони кои ги прават мускулите во матката напнати. Тоа помага да се исфрли крвта, а може да предизвика и грчеви.
Раст
Децата додека растат често имаат грчеви. Тоа понекогаш се нарекува растечка болка, но најчесто е последица на премногу активност или кога децата се почувствителни на болка. Грчевите најчесто се појавуваат во нозете и може да го разбудат детето од сон.
