Може да се случи кога сте болни или се борите со алергии, или едноставно сте се разбудиле едно утро и сте сфатиле дека едната ноздра ви е блокирана поради без некоја јасна причина. Иако непријатен, овој проблем лесно се решава, но добро е да се знае што може да го предизвика проблемот со цел да се избегне.
ЗОШТО ТОА СЕ СЛУЧУВА?
Бројни се причините, можеби настинка, можеби алергија. Д-р Ентони Корнета, оториноларинголог, зборува за неколку можни причини.
НОРМАЛНА ПОЈАВА
Според него, се работи за нормален циклус – кога малите структури во носот што го чистат и навлажнуваат воздухот што го вдишуваме ќе се блокираат или запушуваат/затнуваат.
“Токму тоа може да ги стесни патиштата, но таа структура може да отече само на едната страна поради алергија“, истакнува д-р Корнета и советува користење на спрекови за нос, а ако проблемот не поминува и влијае на квалитетот на живот, посетете лекар.
СПИЕЊЕ НА ЕДНА СТРАНА
Удобна е позицијата на спиење на страна, но ако страдате од затнати ноздри, можеби треба да размислите за смена на позицијата. “Спиењето на страна може да предизвика запушување на ноздрата само поради гравитацијата, за да го поправите тоа, обидете се да спиете на повисоко – ставете две перници или само подигнете ги.
ДЕВИЈАЦИЈА НА СЕПТУМОТ
Основниот симптоми на девијација на носниот спетум е запушување на едната или на двете страни на носот. Притоа треба да се исклучат други причинители, како што се алергија, хронично воспаление на синусите, туѓо тело во носот, тумори и слично. Девијацијата на носната преграда во предните делови често доведува до промени на големината на едната страна на носот. После тоа, доаѓа до отежнато дишење, бидејќи едната страна на носот е целосно затната.
Ова е честа состојба и ретко на кого септумот е комплетно рамен и не мора да се поврзува со траума, често се случува при раст и развој. Ако сте загрижени, лекарот советува да се обратите кај стручно лице.
НОСНИ ПОЛИПИ
Носните полипи се бенигни израстоци, кои можат да се појават на било кое место на слузницата на носната шуплина и параназалните шуплини. Најчесто се јавуваат поради хроничен назален катар. Се појавуваат поединечно или во групи и личат на мали монистри. Знаци на болеста се хронично течење на носот и затнат нос. Лицата кои имаат назални полипи дишат преку уста и зборуваат низ нос. Полипите можат да предизвикаат намалување на квалитетот на животот бидејќи предизвикуваат постојана носна опструкција и може да доведат до значително слабеење на сетилото за мирис. Но, првиот симптом на полип е запушување на носот, поради кој дишењето е отежнато или целосно оневозможено. Тие често се предизвикани од алергии, но не секогаш.
“Доколку имате проблеми со симптомите, дефинитивно ве советувам веднаш да одите на лекар. Откако ќе ви постави дијагноза на полип, може да ви препише спрејови, лекови или дури и операција, во зависност од сериозноста на симптомите“, наведува д-р Корнета.
КОГА Е ПОТРЕБНО ДА ПОСЕТИТЕ ЛЕКАР ПОРАДИ СИМПТОМИТЕ?
Д-р Корнета истакнува дека не треба да бидете загрижени дека се работи за некоја исклучително опасна состојба која стои во позадина на се, бидејќи затнатиот нос и не е ретка појава. “Често се јавува и може да влијае на секојдневниот живот, но и на проблемите со спиењето. Има многу производи за кои не ви е потребен лекарски рецепт, а можат да ви помогнат“, вели д-р Корнета, додавајќи дека посетата на лекар е задолжителна доколку симптомите многу ви го отежнуваат животот.
