ШТО ТРЕБА ДА ЗНАЕТЕ: Омикрон, делта, настинка, грип или цревна вироза? Ви ги донесуваме сите симптоми на едно место

Настинка, грип и КОВИД-19 ги врзуваат неколку неспецифични, заеднички симптоми, кои може да се појават кај секој од нив.

Омикрон, нова и широко распространета варијанта на коронавирусот беснее низ светот. Иако некои стручњаци велат дека варијантата е блага во споредба со претходната делта, Светската здравствена организација предупреди дека не треба да се смета за блага, иако се чини дека е помалку тешка во споредба со делта, особено кај невакцинираните лица. Симптомите на омикрон во голема мера потесетуваат на симптомите на настинка и/или грип, вирусни болести кои типични се појавуваат почесто во зимските месеци.

Најчестиот начин на развој на овие болести се контакти со заразени лица. Зависно од причината, симптомите главно може да се појават во рок од еден до три, четири дена откако сте заразени (кај болеста КОВИД-19 и до 14 дена по контакт со вирусот) и може да бидат во распон од благи до тешки. Симптомите обично траат една недела, но во случај на КОВИД-19 тоа може да биде и многу подолго.

ЗАЕДНИЧКИ СИМПТОМИ

Настинката, грипот и КОВИД-19 ги врзуваат неколку неспецифични, заеднички симптоми, кои може да се појават кај секој од нив, а тоа вклучува воспаление на грлото, течење од нос, болка во телото и покачена телесна температура. Но, секоја од оваа болест има и некои свои специфичности. Така на пример, вирусот инфлуенца, причинител за грип, обично го напаѓа само системот за дишење – носот, грлото и белите дробови – па покрај неспецифичните симптоми предизвикува и симптоми како што се кашлица и затнат нос, односно течење на секрет од носот.

Симптомите од страна на дигестивниот систем како што се воденест пролив, грчеви во стомакот и болка, мачнина, повеќање и слично, во поголем процент ги предизвикуваат вируси кои го напаѓаат дигестивниот систем (на пример: рота вирус, норовирус) и главно упатуваат на цревна вируоза и/или гастроентеритис.

Меѓутоа, кај КОВИД-19 и нешто поретко кај грипот може заедно со респираторните симптоми да се појават и симптоми од страна на дигестивниот систем како повраќање или пролив што е знал дека овие вируси ги напаѓаат двата органски системи.

Со појавата на омикрон варијантата на вирусот SARS-CoV-2 воочени се и два нови симптома кај заразените пациенти – мачнина и губење на апетитот. Според Тим Спектор, професор по генетска епидемиологија на Кралскиот Колеџ во Лондон, овие симптоми често биле присутни кај оние кои примиле две дози вакцина, па дури и кај оние кои примиле бустер доза.

ВАЖНОСТА НА ТЕСТИРАЊЕТО

По појавата на симптоми само со тестирање со сигурност ќе откриете дали имате КОВИД-19 или грип. Освен тоа, инфекцијата со омикрон варијантата – која често се манифестира со поблаги симптоми од страна на горниот дел од системот за дишење како што се кивање, течење на нос, болка во грлото – може да биде тешко да се разликува од настинка, особено кај лица кои се вакцинирани против КОВИД-19.

“Многу лица, особено вакцинираните лица, добиваат симптоми за кои инаку би се сметало дека се обична настинка“, вели д-р Ендру Фридман, специјалист за заразни болести на Универзитетот Кардиф во Велика Британија.

ЕВЕ НЕКОЛКУ ОПШТИ СИМПТОМИ НА КОВИД-19, ГРИП И НАСТИНКА, РАСПОРЕДНИ СПОРЕД НИВНАТА ЗАЧЕСТЕНОСТ:

СУВА КАШЛИЦА: КОВИД-19 (чест), грип (чест), настинка (повремен)

ОТЕЖНАТО ДИШЕЊЕ/КРАТОК ЗДИВ: КОВИД-19 (понекогаш), грип (не е воочено), настинка (не е воочено)

ТЕМПЕРАТУРА: КОВИД-19 (честа), грип (честа), настинка (ретко), црвена вироза (понекогаш)

ЗАТНАТ НОС: КОВИД-19 (ретко), грип (понекогаш), настинка (чест)

БОЛКА ВО ГРЛОТО: КОВИД-19 (понекогаш), грип (понекогаш), настинка (не е воочена), цревна вироза (понекогаш)

БОЛКА ВО ТЕЛОТО: КОВИД-19 (понекогаш), грип (често), настинка (често), цревна вироза (понекогаш)

КИВАЊЕ: КОВИД-19 (не е воочено), грип ( не е воочено), настинка (често)

ИСЦРПЕНОСТ: КОВИД-19 (понекогаш), грип (честа), настинка (понекогаш), цревна вироза (често)

ПРОЛИВ: КОВИД-19 (ретко), грип (понекогаш), настинка (не е воочено), цревна вироза (често)

МАЧНИНА: КОВИД-19 (понекогаш), грип (понекогаш), цревна вироза (често)

Стручњаците советуваат да се тестирате и самоизолирате во случај на појава на симптоми. Погрижете се да одморате доволно и да останете хидрирани.