Најскапиот зачин во светот потекнува од ливадска билка која припаѓа на семејството перуники. Зачинот се добива од врвот на толчникот на цветот, а секој цвет има само три толчника. Шафранот мириса интензивно има благо-горчлив вкус. Има кратка сезона на цветање – само три недели во годината, како и макотрпно собирање и процес на производство, што го прават шафранот многу поскап од другите зачини.
Лековита примена
Шафранот со векови се користи како лек против заболувања на бубрезите, пореметувања на работата на срцето во вид на аритмија, а го подобрува апетитот и го регулира варењето. Со инхалирање со водена пареа со екстракт од шафран, се постигнува ефикасна терапија против главоболка, мигрена или вртоглавица. Од друга страна, високиот процент на рибофлавин, односно витамин Б2, овозможува создавање на црвени крвни зрнца, додека за состојката кроцетин, докажано е дека го намалува холестеролот и штетните масти во организмот.
Во народната медицина шафранот се препорачува и при атеросклероза, а го намалува ризикот од појава на срцев удар. Мирисот на шафранот е благо седативно средство кое доведува до смирување – го елиминира стресот, меланхолијата и депресијата. Меѓутоа, во јаки дози доведува со состојба на опијанетост.
