Истражувања кои биле спроведени во Јапонија и во Јужна Кореа покажале дека двочасовна прошетка во шума може да помогне во намалување на крвниот пртисок, намалување на нивото на хормонот на стрес – кортизол, и да го подобри помнењето и концентрацијата.
Истовремено се покажало дека стеблата во шумите одлободуваат состојки кои се нарекуваат фитонциди, кои имаат антимикробни својства и може да го зајакнат имуниот систем.
За време на престојот во шума, се препорачува длабоко дишење и впивање на атмосферата на шумата како начин на постигнување на смирувачки, подмладувачки и обновувачки ефект.
Треба да се истакне дека позитивните ефекти на т.н. шумско капење (кои се научно докажани) вклучуваат: зголемување на бројот на природни клетки убијци и подобрување на функциите на имуниот систем, намалување на крвниот притисок, подобрување на сонот, зголемување на нивото на енергија, подобрување на расположението, зголемување на концентрацијата, брзо опоравување од болести или операции, и намалување на стресот.
