Кофеинот им е омилена „дрога“ на многу луѓе, но кога оние кои уживаат во кафето ќе ја пропуштат својата утринска „доза“ ете главоболка! Во преносно и буквално значење. Кофеинот е силен стимуланс, брзо стигнува до мозокот и ги блокира аденозинските рецептори кои се задолжени за заспивање, и затоа после утринското кафе обично чувствувате налет на енергија, имате чувство дека ви е полесно да се сконцентрирате, а може да сте и благо еуфорични. Ова помага подобро да обавите одредени задачи, кои бараат засилено внимание, какви што се, на пример, возењето или слушањето предавања на факултет. И тоа е добрата страна на кофеинот. Но има и лоша…, а тоа е меѓу другото, чувството кое ве обезема кога ќе ја прескокнете својата вообичаена „доза“.
Ако кафе пиете редовно, вие однапред очекувате засилена мозочна активност после утринскиот филџан, па кога нема да го испиете имате впечаток дека сте „утепани“ и дека не знаете каде се наоѓате. Друг проблем околу кофеинот е тоа што предизвикува зависност. Кога не го добивате она на што не сте навикнале, се чувствувате уморно, нервозни сте и намќорести.
Повеќето луѓе (потсвесно) кафе редовно и пијат за да одбегнат да се чувствуваат така. Но најчест симптом на недостаток на вообичаеното количество кофеин е главоболката. Во прашање се главно главоболки со среден интензитет и траат ден, два откако ќе престанете да пиете каде, но во некои случаи можат да потраат и една недела.
Ако сте решиле да престанете да пиете кафе, можете да очекувате тензиони главоболки (чувството главно се опишува како „нешто силно да ви ја стиска главата“), но понекогаш кај личностите кои се склони на мигрени наглото „укинување“ на кофеинот може да предизвика и мигренозни напади.
Симптомите се, се разбира, посилни ако сте пиеле огромни количества кафе, па одеднаш сте престанале со тоа. Но се јавуваат и кај оние кои пиеле само еден филџан кафе во текот на денот. А на кафе може да се „навлечете“ и за само три дена редовно консумирање.
Сепак, дури и минимално количество кофеин е доволно главоболката потполно да исчезне, така што ако сакате да престанете да пиете каде имајте предвид дека само еден „срк“ може да го ублажи тоа непријатно чувство кое можеби ќе ве обземе наутро. Но, ако сакате потполно да се одвикнете од кафе, треба да знаете дека непријатност ќе чувствувате само неколку дена. После тоа – слободни сте!
