Акните се карактеризираат со воспалена кожа и формирање на митисери и мозолчиња. Обично се појавуваат на лицето, вратот, деколтето, горниот дел од грбот и рамената. На тие делови на телото се наоѓа најголема концентрација на лојни жлезди, кои поради хормоните може да го зголемат излачувањето на маснотии. Дали сте знаеле дека акни се појавуваат кај 80% од луѓето во периодот од 11 до 30 година, а дерматолозите додаваат дека расте бројот на жени во 40. и 50. година со истиот проблем.
Митот дека акните поминуваат сами од себе, е стар колку и проблемите со кожата.
Дерматолозите тврдат дека акните не смеат да се остават “намира“, а еве зошто:
- Без третман на акните на лицето, може да се појават црни дамки и лузни
- Третманот на акни обично ја зголемува самодовербата
- Достапни се многу третмани кои делуваат во борба против акните
Кожата е најголем орган во телото кој игра две улоги – апсорбира и елиминира состојки кои ги внесуваме во организмот. Сите токсични состојки што организмот не може да ги поднесе, наоѓаат пат низ порите на кожата. Генетиката, исто така игра голема улога кај влијанието на хормоните на појавата на акни. Но, без паника, велат дерматолозите, прехранбените навики водат до лоша состојба на кожата, и со мали промени тоа може да се измени.
Која храна предизвикува појава на акни
Шеќер
Рафинираниот шеќер предизвикува нагло зголемување на нивото на шеќерот во крвта, што преедизвикува нагло излачување на големи количини на инсулин, кој го поттикнува растот на клетките околу порите на кожата и лачење на андрогени, кои поттикнуваат создавање на лој, а сето тоа предизвикува појава на акни.
Млечни производи
Вишокот внес на млечни производи влијае на појавата на мозолчиња. Лицата кои пијат млеко имаат најтешки проблеми со каните. Но, внесот на калциум во организмот е важен за здравјето, затоа внимавајте во организмот да го внесете преку други намирници.
Кофеин
Ако веќе сте го намалиле внесот на млеко и шеќер, дали мора и на кафето? Дури и ако кафето го пиете без додатоци, кафето е вистински тригер за оваа непријатна појава на лицето, бидејќи ги исфрла хормоните од рамнотежа и влијае на стресот.
Рафинирани јаглехидрати
Под рафинирани јаглехидрати се мисли на десерти, колачи и друга процесуирана храна на која и недостасуваат главни нутиренти, како што се витамин Б, влакна и железо. Оваа храна е богата со шеќери и бело брашно, а кога се консумираат во големи количини се зголемува производството на хормоните кои ја стимулираат работата на лојните жлезди. Вишокот лој ги запушува порите на кожата, што доведува до создавање акни и несакани воспаленија.
Масна и пржена храна
Додека некои истражувачи сметаат дека ваквата храна не влијае на појавата на акни, други велат дека постои поврзаност. Главно тоа се однесува на лошиот квалитет на таквите оброци, големата количина на масло во кое се подготвува.
