И покрај тмурното време и ретки сончеви денови, на листата на најсреќни нации која секоја година ја објавуваат ОН, во 2012, 2013 и 2016 година Данска беше прогласена за најсреќна земја во светот. Која е тајната на данската среќа? Најпосакуваниот одговор го откриваат Данките, кои имаат пет тајни како да се биде среќен. Советите се навистина едноставни.
Уживајте во малите работи
Сомелете свежо кафе и уживајте во секоја голтка. Изедете го печивото додека е топло. Застанете и помирисајте ги розите во цвеќарница. Не ги проверувајте деловните електронски пораки за време на викендот. Облечете ги неверојатно меките чорапи и уживајте во чувството кое ви го даваат.
Прочитајте го весникот намира. Во еден обичен ден, вторник на пример, завиткајте се во омиленото ќебенце во топлината на домот и после работниот ден почестете се со чаша вино. Уживајте во тие едноставни, мали задоволства кои го прават животот убав, а понекогаш само поминуваат покрај вас.
Со насмевка дочекајте ги врнежливите денови
Жителите на Данска знаат како е да се има дождливо, тмурно и студено време долг временски период. И тоа не ги спречува да бидат најсреќни во светот! Како им успева? Па врнежливиот ден е совршен изговор да се дружите со некоја нова книга. Студени ноќи? Уште една причина да поканите некој пријател кај вас. Данците се големи ентузијасти кога станува збор за наоѓање на доброто и во најтмурните денови.
Јадете конкретна храна
Данките сакаат да јадат конкретна храна, онаква каква што би одобриле нашите баби, на пример, печено месо и компири. Се разбира, не сервираат секој ден таква храна на масата, но сигурно не бегаат од истата.
Направете среќен и удобен дом
Гледањето убави работи не прави посреќни, покажа истражувањето на Универзитетот во Лондон. А да се има пријатен дом исполнет со прекрасни работи е приоритет за Данките. Тоа не значи дека среќен и пријатен дом може да направат само луѓе кои имаат многу пари – доволни се и детали како што се декоративни перници и мирисливи свеќи.
Одлучете кои луѓе се ваш приоритет
Истражувањата покажаа дека времето поминато со пријателите и семејството е клучно за нашата среќа и ментално здравје. Одлучете кои луѓе се приоритет во вашиот живот.
И немојте да ве гризе совест ако правите – ништо. Одморот е важен дел од животот во Данска, бидејќи Данците знаат колку е важно за среќа времето поминато во мир и спокој.
