Истражување на американското здружение за рак кое било спроведувано во текот на изминатите две децении на старосна група лица од 25 до 84 години открило изненадувачко зголемување на степенот на заболувања од карцином кај пациенти од 25 до 49 години. Особено, ова се однесува на групата испитаници кои имале проблеми со прекумерна телесна тежина.
Според податоците од истражувањето од 12 типови на карцином, кои дотогаш биле поврзувани со старосната група од 60 до 70 години, шест од нив многу често се појавуваат кај многу помладата популација. Тоа се:
- Ракот на дебелото црево
- Рак на ендометриум
- Рак на жолчното кесе
- Рак на бубрег
- Рак на панкреас
- Мултиплен миелом
Кај лицата од 25 до 29 години е забележан најголем пораст на ракот на бубрези, со просечен годишен пораст од над шест отсто, додека кај популацијата од 30 до 34 години најголем пораст е забележан кај појавата на мултиплен миелом, од 2,2 отсто. Меѓу помладите лица се зголемени и карциномите кои не се поврзани со дебелината, а тоа се гастроинтестиналните тумори и леукемијата.
Истражувањето, кое завршило во 2018 година, покажува дека еден од главните виновници за зголемената стапка на малигни болести кај младите е дебелината, во околку 60 отсто кај случаите на рак на ендометриумот, 36 отсто кај карциномот на жолчно кесе и 33 отсто кај ракот на бубрези. Прекумерната тежина била виновник и за зголемување на ракот на панреас, во 17 отсто од случаите. Што се однедува пак, до зголемниот број на карциномите во дигестивниот тракт и леукемиите, научниците заклучуваат дека причинителот лежи во сѐ поголемиот број на автоимуни болести, претераната употреба на антибиотици и изложеноста на канцерогените материи во околината.
Препораките од истражувањето одат во насока на одржувањето на телесната тежина и на помлада возраст, преку редовната физичка активност и здравата исхрана, кои можат да бидат сериозни фактори во намалувањето на ризикот од заболување со карцином.
