Зошто Хаџа диетата и начин на исхрана се битни за западниот свет и нашите прехранбени навики? А особено зошто се битни за малите деца кои ги негувате и чувате, ги учите постојано да ги мијат рацете и да не чепкаат ништо валкано. Важна е затоа на својот пример Африканците и Хаџа диетата ја менуваат целокупната парадигма на нашите современи хигиенски стандарди и верувања, што ги преиспитува нашите прехранбени навики и она што досега го сметавме за здраво.
Во што е поентата?
Хаџа племето е едно од ретките номадски племиња во светот кое се уште се храни на старински начин со ловци собирачи. Го јадат само она што ќе го уловат и она што ќе го наберат во околината, некои ситни бобинки, овошје, мед, плодовите од баобаб дрвото, корења, лисја. Ги има уште неколку илјади, а само 200 од нив се хранат на таков древен начин. И на тоа целата етно егзотика би се завршила западниот свет во последната деценија да не е фокусиран на истражување на нашиот микробиом, односно цревната флора, бактериите во цревата.
Бидејќи научниците се доследни и сеопфатни, со своите истражувања на микробиомите луѓето го опфатиле ова осамено африканско племе и на големо изненадување откриле дека Хаџа племето има далеку поразновиден состав на цревната флора од западниот човек. Всушност, пресметале дека нивниот микробиом содржи 40 отсто повеќе разновидни бактерии од нас. И дека се мошне здрави и весели.
Погодувате дека нивните хигиенски навики се многу поразлични од нашите, нема тука миење на овошјето и зеленчукот, месото само се фрла на вжештен јаглен и после полусирово се јаде, немаат фрижидер за чување на намирниците, водата која ја пијат не можеме никако да ја сметаме за здрава, според нашите стандарди, но тие ни од сето ова не заболуваат.
Хаџа диетата порачува да не претеруваме со хигиената и да не се обидуваме да живееме стерилно.
Исто така, нивната храна е далеку побогата со баластни материи отколку нашата, неколку пати имаат повеќе растителни влакна во исхраната отколку ние, што е важно затоа што влакната се пробиотици – храна за добрите бактерии во цревата. Лошите бактерии сакаат храна без баластни влакна затоа што со неа повеќе се размножуваат во цревата. Со тоа Хаџа диетата ја докажува важноста на исхраната базирана на овошје и зеленчук.
Научниците доаѓаат до заклучок дека нивната богата цревна флора обезбедува натпросечно силен имунитет кој ги чува од болестите. Затоа што валканите раце и валканата органска храна им ја носи таа низа од разновидни соеви бактерии кои всушност ги штитат од болести.
Тие не јадат стерилна и прскана храна, тие не ги стерилизираат своите раце и уста, тие не ја варат храната, тие не водат сметка за хигиената затоа што живеат во симбиоза со бактериите кои за возврат ги штитат.
Тоа инаку не е нова работа, уште од почетокот на милениумот Швеѓаните заклучиле дека стерилните услови кои владеат во нивните сали за породување доведуваат до тоа новородените бебиња при породувањето да не ги соберат бактериите кои им требаат во животот. Таквите деца во подоцнежниот живот добиваат алергии. Затоа повторно е вратена праксата за породување по дома, додуша без за’рѓани ножеви.
Американците дошле до податокот дека децата родени со царски рез заради тоа што не поминале низ грлото на матката и не ги собрале бактериите за нивната цревна флора, имаат поинаков микробиом и подоцна во животот се подложни на болести како што се дијабетесот и гојазноста. Токму тоа што јадеме стерилна и преработена храна, што јадеме помалку разновидно и колку повеќе внимаваме на хигиената, нашата цревна флора ќе биде посиромашна и нашиот имунитет ќе биде послаб. Парадоксално зарем не, се противи на сето она на што не учеле низ животот – дека од бактериите може да се оболи.
Да, може, но ако премногу внимаваме ги губиме и оние бактерии кои ни помагаат во многу други аспекти. Хаџа племето при истражувањето покажало уште една битна карактеристика, а тоа е дека цревната флора им се менува низ сезоните и во склад со она што го јадат, прилагодувајќи ги нивните тела на околината. Тоа отвора уште една тема, а тоа е важноста на сезонската исхрана, односно да се јаде онаа храна која е адекватна за тој период од годината, е не јужно овошје да се јаде во зима. Затоа што ако не сте знаеле – јужното овошје го лади организмот и, веројатно, ги наметнува летните бактерии во цревата, а не зимските, па сме склони на инфекции. Па така, да се јаде храна која е сезонски присутна е уште една порака која Хаџа диетата ни ја испраќа. Еден британски професор кој ги проучувал решил да ја проба Хаџа диетата и три дена јадел иста храна како и тие, па ја мерел состојбата на својата цревна флора.
Забележал дека после само три дена таква Хаџа диета и (нехигиенска) исхрана неговата цревна флора станала за 20 отсто поразноврсна. Забележал, исто така, и дека после враќањето во Британија истата разновидност брзо исчезнала, враќајќи се на просечната западњачка вредност. Тоа зборува колку е важно континуирано добро да се јаде, а не со ад хок режими „здрава исхрана“ да се прават обиди за подобрување на здравјето.
Она што е уште поинтересно од ова истражување е дека западните набљудувачи кои ја јаделе храната на Хаџа племето биле воодушевени со вкусот на таа храна, иако на почетокот им се повраќало од самата помисла да јадат срце или црн дроб на мравојад или саќе од див мед со ларви од млади плечи.
Хаџа диетата дефинитивно длабоко ја менува нашата современа парадигма за здравјето.
