Салатите од цвеќе се вистински тренд. И не само што изгледаат невообичаено и атрактивно, туку имаат посебна арома и се здрави. Консумацијата на цвеќето е традиција која е стара неколку илјада години. Во многу јадења на Блискиот Исток и Персија се користат латиците на ружата и цветот на портокалот. Цветовите од цреша и од хризантема се популарни во Јапонија. Цветовите можат да е додаваат во различни јадења или во салати (свежи, сушени и кандирани), но можат да бидат дел од рецептите за колачи, сосови, сирупи, чаеви и ароматизирани пијалаци. Некои цветни латици имаат својство да испуштаат боја, па при мешањето со путер се добива намаз со оригинална боја.
Пиците можат да се декорираат со детелина, јоргован или љубичици. Со љубичиците може да се декорираат тортите и пудинзите. И цвеќето од тиквички е ценето во кулинарството. Најдобро е да се користи веднаш по берењето додека е свежо и се употребува во рок од неколку часа по берењето. Отворените цветови можете да ги наполните со сирење, сланина, зачини и се пржи кратко време. Можат да се подготвуваат со павлака и тестенини, но и да се јадат свежи со домати и моцарела.
Ова е продолжение на листата на цвеќиња кои можете да ги консумирате и кои потврдено се здрави и безбедни за јадење.
Јоргован: Цветовите се со силен вкус, но во нивниот вкус најмногу може да се почувствува цитрусната нота.
Жалфија: Цветовите имаат суптилен вкус сличен на листовите.
Камилица: Малите цветчиња имаат сладок вкус и освен за чај, може да се користат и во исхраната. Не се препорачува за лица алергични на камилица.
Анасон: Малите жолти цветови имаат сличен вкус со листовите и се суптилно горчливи.
Копар: Жолтите цветови имаат идентичен вкус со листовите.
Коријандер: Како и листовите, цветовите или може многу да ги сакате или да не може да ги поднесете. Цветовите се со сличен вкус како и листовите. Се препорачува да се јадат свежи, бидејќи со термичката обработка го губат својот вкус.
Хризантема: Од оваа билка може да се јадат само цветовите, а вкусот е во распон од горчлив до пикантен.
Лаванда: Цветот на лавандата е благ, полн со вкус и мирисен, па може да се додаде и во благи и во солени јадења.
Ружа: Кога од латиците ќе го отстраните белиот долен дел, остатокот има силен мирис и нежен вкус, кој варира од боја до боја на цветот. Особено се добри во различни пијалаци бидејќи даваат арома.
Рузмарин: Цветовите имаат сличен вкус со листовите, но многу поумерен.
Бирајте цветови кои на вашиот оброк ќе му дадат арома, но и визуелно ќе го издигнат на повисоко ниво. Секако, она што убаво изгледа, по автоматизам ќе биде и повкусно!
