Британските научници дошле до непријатни резултати откако го проучувале бактерискиот состав на парите. Хартиените пари, како составен дел од нашиот живот, може да предизвика проблеми со стомакот, вирусни инфекции, па дури, во некои случаи и сепса како последица од токсичен шок.
Истражувањата покажале дека и хартиените и кованите пари се прекриени со 19 видови на потенцијално смртоносни бактерии.
Имено, парите се прекриени со бројни бактерии кои доспеале на нив поради неизмиени раце по користење на тоалет.
Професор по микробиологија Пол Матвел и неговите ученици проучувале 36 случајни хартиени пари и монети во лабораториски услови во временска разлика од осум недели.
„Една од најшокантните работи кои ги откривме е дека толкава количина на микроорганизми расте и опстанува на металот, а тоа не е елемент на кој инаку преживуваат. Бактериите се прилагодиле на окружувањето и како резултат на тоа, металните пари станале погоден терен за штетните бактерии„, објаснува Матвел.
Пронајдена е и бактерија Staphyloccus Aureus (MRSA) која од страна на Светската здравствена организација е прогласена како една од најголемите закани која предизвикува синдром на токсичен шок. Бактеријата Enterococcus faecium, исто така е една од опасните бактерии според Светската здравствена организација, а може да предизвика инфекција на абдоменот, кожата, уринарниот тракт и крвта. Лицата со послаб имунитет особено се чувствителни на ваков вид инфекција. Листеријата е уште една опасност и таа се внесува во организмот низ контаминирана храна. Научниците тврдат дека може да доведе до труење и спонтан абортус.
