Кетоните се компоненти кои настануваат со разложување на мастите кои на телото му служат како алтернативно гориво. Кето диетата не само што помага во губењето на килограмите, туку е поврзана и со неброено многу бенефити – како што намалување на нивото на холестеролот, шеќерот во крвта, инсулинот и триглицеридите. Она што секогаш и сите се прашуваат е колку му е потребно на телото да влезе во кетоза. Тоа е метаболна состојба во која телото мастите ги претвора во молекули наречени кетони, кои телото ги користи како главен извор на енергија кога глукозата е ограничена. Најдобар начин да се влезе во кетоза е драмтично да се намали внесот на јаглехидрати.
Доколку телото има вишок глукоза таа може може да се таложи во црниот дроб и мускулите во форма на гликоген.
Времето да се влезе во кетоза зависи од личност до личност. Начелно, потребни се 2 до 4 дена да се влезе во оваа фаза ако се јадат 20 до 50 грама јаглехидрати дневно. На некои ќе им треба за ова и една недела, па и повеќе. Времето за влез во кетоза зависи од вообичаениот внес на јаглехидрати, дневниот внес на масти и протеини, вежбањето, годините и метаболизмот.
Кога телото ќе влезе во кетоза може да почувствувате нешто што се нарекува кето грип кој вклучува главоболка, умор, мачнина, лош здив и зголемена жед. Иако ова може да биде знак дека сте во кетоза, најдобар начин да проверите е да го исконтролирате нивото на кетони во организмот.
Постојат три вида кетони – ацетоацетат, ацетон и бета-хидроксибутират, кои можат да се мерат во урината, здивот и крвта. Нивото на кетони кад 0,5 ммол укажува дека телото е во кетоза, а нивото на кетони во размер од 1,5-3,0 ммол по литар е идеален за одржување на кетозата.
Доколку сакате да го забрзате влезот во кетоза намалете го внесот на јаглехидрати кои го спречуваат производствито на кетони. Не правете грешка и да внесувате малку повеќе масти, затоа што тоа може да го одложи производството на кетони и губењето тежина. Земајте најмалку 70 отсто калории на дневно ниво од масти, 20 од протеини и 10 отсто од јаглехидрати. Внимателно со протеините затоа што и тие можат да го попречуваат овој процес. Вежбајте, спијте доволно и одморајте во текот на денот за телото и организмот воопшто да бидат подготвени да се посветат на кетозата. Доколку и после се се борите со производството на кетони, побарајте стручна помош за да се открие каде грешите.
