Ракот на панкреас важи за најсмртоносен рак во светот. Петгодишното преживување по дијагнозата изнесува околу 7 проценти. Од 50.000 лица на кои ќе им биде дијагностициран рак на панкреас идната година, веројатно поголемиот дел од нив и ќе починат.
Една од причините зошто овој рак е толку смртоносен е таа што не постојат рутински тестови за рано откривање. Напредува брзо, во еден дел поради местото на кое се наоѓа – длабоко во стомачната шуплина и близу до сите витални органи. Токму од таа причина важно е да се биде свесен на раните симптоми на оваа тешка болест.
“Клетките на ракот на панкреас се исклучително отпорни и агресивни. Дури и мали тумори може да се прошират на други органи пред дијагнозата“, истакнува д-р Тимоти Донахју, шеф на онкологија и профеоср по хирургија на Универзитетот Дејвид Гефен. Според зборовите на експертот, ризик фактори за развој на оваа сурова болест се дијабетесот, хроничното воспаление на панкреас, пушењето, возрасра и исхрана што во поголем процент се состои од црвебно и процесуирано месо.
Панкреасот е жлезда во форма на хоризонтално поставена крушка, а се наоѓа помеѓу желудникот, тенкото црево и ‘рбетот. Се состои од три дела. Широкиот дел се нарекува глава, која продолжува во тело и потоа на потесен дел кој се нарекува опашка. Туморите најчесто се создаваат во подрачјето на главата.
МАЧНИНА ПО КОНСУМИРАЊЕ МАСНА ХРАНА
Ако сте го забележале овој симптом, може да биде дека туморот го оневозможува варењето на мрсна храна. Тој може да создаде и блокада во дигестивниот тракт и да предизвика жиговина и повраќање. Доколку оваа состојба се повторува, време е да посетите лекар.
БОЛКА ВО ГРБОТ
Болка што се шири кон грбот може да биде предизвикана од повеќе фактори, а повеќето не се опасни, но може да биде и сигнал за рак на панкреасот. Туморот што се развива на панкреасот може да ги притиска соседните органи и на тој начин да предизвикува болка.
ЖОЛТИЦА
Жолтица се јавува кога билирубинот, компонента на жолчката, се акумулира во крвта. Жолчта патува од жолчното кесе додека минува низ панкреасот. Ако туморот се наоѓа на главата на панкреасот, може да го попречи протокот на жолчта и може да се појави жолтица.
СВЕТЛА ИЛИ МАСНА СТОЛИЦА
Панкреасот произведува ензими кои помагаат во варењето на мастите, а ракот на панкреасот може да го спречи тоа. Резултатот може да биде масна столица што открива дека телото не ги разградува правилно мастите од храната. Жолчката и билирубинот отпадот го претвораат во кафеава боја, ако туморот го спречува овој процес, столицата може да има светла боја.
ДИЈАБЕТЕС
Ако ви се случи да развиете дијабетес тип 2, дури и ако се храните здраво и внимавате на исхраната, тоа може да биде симптом на рак на панкреас, а се работи за орган кој произведува инсулин кој го регулира шеќерот во крвта. Туморот може да го наруши овој процес и потенцијално да предизвика дијабетес.
Поголема зачестеност на ракот на панкреас е забележан кај лица со прекумерна телесна тежина, многу масти во исхраната, кај лица со шеќерна болест, како и во семјества во кои склоноста кон ово карцином е повеќекратно поголема отколку кај остатокот од популацијата.
