Нова британска студија која анализирала податоците од повеќе од 62.500 пациенти предупредува дека нападите од гихт го удвојуваат ризикот од срцев или мозочен удар во следните два месеци.
Ненадејното зголемување на ризикот опстојува дури три до четири месеци по избувнувањето на гихт, откриле истражувачите, иако на пониско ниво, околу 1,5 пати повисоко од вообичаеното. Не бил забележан дополнителен ризик повеќе од четири месеци по влошувањето или повторното јавување на симптомите на гихт.
Гихтот често се јавува заедно со други здравствени проблеми, како што се висок крвен притисок (хипертензија), срцеви заболувања, дијабетес и бубрежни заболувања, истакнуваат научниците.
