Потењето ноќе е индивидуално и секој мора да тргне од себе затоа најпрво размислете за основните фактори – колку сте под стрес, дали собата ви е претопла, каков душек имате?!
Душек – проблем е преголемото греење од душекот заради лошите материјали за изработка, односно таканаречените полиуретански пени. Евтина е како материјал кој се користи во производството, но на неа е жешко да се спие.
Температура на телото – претопла соба и претешки прекривки се најчестата причина за ноќно потење, затоа се препорачуваат удобни пижами и не повеќе од една покривка. Не претерувајте ниту со греењето, поздраво е да се спие во поладна соба.
Лекови – некои лекови преизвикуваат потење, па затоа проверете ги сите нуспојави.
Алкохол – консумирањето алкохол пред спиење може да доведе до потење, затоа одбегнувајте алкохол неколку часа пред спиење.
Кога треба да се загрижите?
Добриот сон е клучен за здравјето и квалитетот на животот, ако забележите дека премногу се потите, а за тоа немате објаснување побарајте мислење од лекар. Особено ако тоа се јавува со некои други симптоми. Исто така, појдете на лекар ако потењето почне одеднаш, а не е поврзано со слабеење или температура или е пак само на едната страна од телото. И да, одредени причинители може да се опасни.
