Доколку еден член од семејството (домаќинството) се зарази со омикрон варијантата на коронавирусот, ризикот од инфекција за останатите членови наа тоа домаќинство е многу помал ако се вакцинирани со т.н. бустер доза, покажало ново истражување. Данско истражување потврдило дека омикрон е многу позаразна од претходната делта варијанта и шансите два пати вакцинираните поединци да се заразат со коронавирус ако се зарази еден член на домаќинството се речиси три до четири пати поголеми во случај на омикрон, отколку кога е во прашање делта сојот.
РЕЗУЛТАТИ ОД АНАЛИЗАТА
Научниците ги анализирале податоците за пренос на коронавирусот помеѓу членови на 12.000 домаќинства во кои некој бил заразен. Од тоа во 2225 домаќинства евидентирана е инфекција со омикрон. Утврдиле дека за една недела по појавата на прва инфекција во домаќинството, вкпуно 6397 останати членови на домаќинствата биле заразени. Земајќи ги предвид и останатите ризик фактори, научниците утврдиле дека стапката на ширење на вирусот на комплетно вакцинираните лица (со две дози) била 2,6 пати поголема во домаќинствата во кои преовладувал омикрон сојот во однос на оние во кои доминирала делта варијантата. Резултатите се објавени на medRxiv и студијата чека стручна рецензија.
ПОЗАРАЗНИ ОД ДЕЛТА
Тие, исто така, откриле и дека во домаќинствата во кои доминирала инфекција со омикрон, лицата вакцинирани со бустер доза, имале речиси 3,7 пати поголема веројатност да бидат заразени отколку во домаќинствата каде некој бил заразен со делта варијантата, што е во прилог на фактот дека омикрон е многу позаразен за делта сојот. Но, кога ја проучувале ситуацијата исклучиво во домаќинствата во кои доминирал омикрон, утврдиле дека веројатноста да се заразат лицата вакцинирани со бустер доза е 56 отсто помала од оние кои биле вакцинирани кои не примиле бустер доза.
Утврдено е и дека: Кога омикрон во домаќинството го донеле лица вакцинирани со бустер, постоела помала веројатност тој вирус да се пренесе на останатите членови, за разлика од неваквинираните лица или лицата вакцинирани со две дози, но не и со бустер.
