Педијатрите предупредуваат дека родителите не би требало премногу да се потпираат на разно-разните апликации кога сакаат да ги окупираат или забавуваат своите деца. Факт е дека денес повеќето од нас користат уреди како компјутери, мобилни телефони и сл., и дека со помош на овие медиуми комуницираме со другите луѓе и учиме нови работи. Меѓутоа децата би требало со помош на родителите да научат да ги користат нивните содржини на здрав и прагматичен начин.
Според најновите препораки на Американската академија за педијатрија, децата помлади од 18 месеци не би требало да гледаат телевизија или воопшто да поминуваат време пред екранот на каков било уред.
Децата меѓу 18 и 24 месеци можат да гледаат образовни емисии и да користат прилагодени апликации, но во друштво на родителите кои би искористиле содржините за детето да го научат нешто дополнително.
Децата на возраст од 2 до 5 години не би требало пред екран да поминуваат повеќе од 1 час дневно, а родителите за тоа време би требало да имаат интеракција со нив.
Од 6-та година родителите, исто така, би требало да ги надгледуваат децата додека користат електронски уреди, за да се погрижат овие нивни активности да не го нарушат здравиот сон на детето, како ниту друштвените и физичките активности. На одредени места во домот или во одредено време (на пример, на маса, за време на оброк, пред спиење, в кревет) би требало во потполност да се исклучи употребата на какви било медиуми – оваа препорака би требало да ја почитуваат и родителите и децата!
