Во текот на четириесеттите години жените доживуваат суптилни промени во телото на кои треба да посветат внимание. Најдобар пристап е превенцијата, не само за спремно да ги дочекаат промените, туку и да останат поздрави, посилни, исполнети со енергија, задоволни со себе и животот.
Што се случува по 40-та година?
* Метаболизмот се забавува за 2 % со секоја деценија.
* Во однос на триесеттите години, жената има 2,7 – 3,1 кг помалку мускулна маса.
* Од средината на триесеттите години, опаѓа густината на коските за 1 % годишно.
* Стресот во овој период е особено висок, пред се, поради грижата за децата и семејството, родителите, здравјето, кариерата и финансиите.
* Ова е период кога депресијата е почеста отколку во подоцнежните години.
НЕ ГО ПРЕСКОКНУВАЈТЕ ПОЈАДОКОТ. Нутриционистите се согласуваат дека појадокот е најважен за одржување на здрава телесна тежина (или симнување на вишокот килограми) и за поттикнување на метаболизмот. Една неодамнешна студија покажа дека жените кои јаделе обилен појадок изгубиле 21 % од тежината после 8 месеци, во споредба со 4,5 % од жените кои биле на диета со намален внес на јаглехидрати и појадок како најмал оброк. Причина: обилниот оброк на почетокот на денот му годи на метаболизмот кој се наоѓа на највисока точка токму во утринските часови, дава енергија за активности на работа и ја спречува желбата за храна која се јавува при пад на шеќерот во крвта.
ВЕЖБАЈТЕ ЗА ДА ГО ЗАБРЗАТЕ МЕТАБОЛИЗМОТ. Истражувањата покажуваат дека вежбањето, за шест месеци може да го зголеми метаболизмот во мирна состојба, што значи дека ќе согорувате повеќе калории дури и додека седите и гледате телевизија. Обидете се да вежбате најмалку 30 минути, неколку пати во неделата.
ЗГОЛЕМЕТЕ ГО ВНЕСОТ НА КАЛЦИУМ И ВИТАМИН Д
И калциумот и витаминот Д се важни за јачината на коските. Националната фондација за остеопороза на САД им препорачува на жените во четириесеттите години да земаат 1 000 мг калциум и 400-800 IU витамин Д секој ден од храна, како што е збогатено млеко или лосос, заедно со суплементи
ДРЖЕТЕ ГО СТРЕСОТ ПОД КОНТРОЛА. Здравото срце чука побрзо кога вдишувате и побавно кога ќе го испуштите воздухот. Но стресот го забавува овој природен ритам на срцето, што доведува до нездрави промени во телото, вклучувајќи ги и зголемувањето на притисокот, недостатокот на потребната енергија за мозокот, намалено либидо, брза смрт на клетките. За да го донесете ритамот на срцето во нормала, вдишете воздух низ носот за време на 4 отчукувања, и издишете воздух за време на 8 отчукувања – повторете ја оваа вежба најмалку два пати на ден, секогаш кога ќе почувствувате дека сте под притисок. Оваа вежба го активира вагусот и делува релаксирачки на срцето, мускулите, респираторниот и гастроинтестиналниот тракт, крвните садови.
ЗГОЛЕМЕТЕ ГО ВНЕСОТ НА ПРОТЕИНИ. Консумирање на храна која ги содржи сите аминокиселини неопходни за формирање на комплетни протеини, најмалку два пати на ден, го зголемува нивото на невротрансмитери во мозокот кои влијаат на доброто расположение, што, пак, води до намалување на симптомите на депресија, како што се забавено размислување и послабо помнење. Добар извор на протеини се: риба, јајца, грав, киноа, соја. Но немојте сосема да ги елиминирате јаглехидратите – тие го подобруваат расположението така што го зголемуваат производството на серотонин во мозокот.
ДРУЖЕТЕ СЕ СО ПРИЈАТЕЛИТЕ И РЕДОВНО КОНТРОЛИРАЈТЕ ГО ЗДРАВЈЕТО Релаксацијата со пријателите го намалува стресот, ја зголемува самодовербата и дури придонесува за подобра врска со партнерот. Жените со побогат социјален живот или хоби имаат понизок притисок, поретко страдаат од дијабетес, срцеви заболувања и имаат двојно помалку мозочни удари од жени со сиромашен социјален живот. Во однос на здравјето и неговата контрола – контролирајте ги очите на секои 2-4 години, секоја втора година контролирајте го вашето кардиоваскуларно здравје, редовно правете пап-тест, правете контрола на тироидната жлезда на секои пет години, преглед на младежите секоја година, мамограм на една или две години, како и редовна лабораторија (крвна слика).
СЕКСОТ Е ВАЖНА КАТЕГОРИЈА ЗА ЖЕНИТЕ НАД 40 ГОДИНИ
Жените кои имаат сексуални односи барем еднаш неделно подоцна влегуваат во менопауза, отколку што тоа е случај со дамите кои тоа го практикуваат еднаш месечно. Научниците од Универзитетскиот колеџ во Лондон анализирале податоци од студија која се бави со здравјето на жените ширум САД.
Се работи за најразновидно и најрепрезентативно истражување кое ги опфатило заедничките искуства на иста целна група во подолг интервал. Предмет на истражување била менопаузата.
„Наодите од студијата покажуваат дека телото не стимулира овулација доколку нема редовен сексуален контакт“, вели авторката на студијата Меган Арнот.
Контроверзната идеја за намалување на плодноста заради грижата за семејство е врзана за предисторискиот период и се нарекува „хипотеза на бабите“. Се развила за да се намали репродуктивниот расчекор меѓу жените од различни генерации. Хипотезата се обидува да ја објасни потребата на жените во позрели години повеќе да бидат вклучени во домашните работи и грижата за внуците, пишува Скај њус.
Научниците тврдат дека е бесмилено да се троши енергијата на телото на овулација доколку се знае дека заради недостаток на сексуална активност нема да дојде до бременост.
„Менопаузата е неизбежна и не постојат медицински методи кои би ја одложиле или спречиле. Сепак, резултатите од студијата покажуваат дека времето на менопаузата може да се предвиди благодарение на следењето на репродуктивниот потенцијал на жените“, објаснува професорката Рут Мејс.
