Пушењето ги уништува белите дробови, предизвикувајќи секакви видови на проблеми, почнувајќи од помали респираторни болести, се до карцином на бели дробови. И да, пушењето дефинитивно влијае на капацитетот на дишните органи.
Чистиот и свеж воздух, за жал, стана реткост. Повеќето од нас живее во загадена околина, а тоа значи дека повеќе од било кога треба да се обрне внимание на сигналите кои ни ги испраќаат белите дробови. Некои од тие знаци лесно се занемаруваат, но тоа не смее да прави, ако сакаме да го одржиме системот за дишење здрав.
БОЛКИ ВО ГРБОТ И РАМЕНАТА
Иако се наведуваат како редок симптом, болките во грбот, рамената, па и во градниот кош може да бидат знаци на рак на белите дробови, кој ако се открие во рана фаза постои многу поголема веројатност за излекување. Ако тие болки се посилни и долготрајни од вашите вообичаени болки во грбот, се јавуваат почесто или се разликуваат од нив, треба да посетите лекар.
КАШЛИЦА
Кашлицата може да упатува на некоја несериозна и едноставна состојба, како настинка, но може да биде и знак на хронични болести, затоа е важно да знаете да ги разликувате разните типови на кашлица. Интензивната и упорна кашлица може да биде знак за рак на белите дробови, особено ако е проследена со искашлување крв.
КРАТОК ЗДИВ
Краткиот здив најчесто е последица на одредени состојби кои го погодуваат срцето или белите дробови, како астма или респираторни алергии. Ако имате епизоди на краток здив, обидете се да ја промените околината да проверите дали симптомите и натаму ќе бидат присутни, во поинаква средина. Ако краткиот здив се јавува често, посетете лекар.
ЖОЛТИЦА
Овој симптом не се поврзува со здравјето на белите дробови, но е многу важен, оти жолтицата е јасен индикатор за проблеми со црниот дроб, а тие може да бидат предизвикани од рак на белите дробови.
НЕДОВОЛНО ЕНЕРГИЈА
Секој од нас повремено е исцрпен, тоа е нормално. Недоволно сон или стрес може да бидат причина за вашиот замор, но ако се чувствувате абнормално заморно премногу често, и истовремено упорно кашлате и немате апетит, можеби во основа на заморот е сериозна состојба која е поврзана со дишните патишта.
