Без разлика дали е лош, одличен или просечен сексуалниот однос – сексот е основна потреба на луѓето. И додека некои полесно ја поднесуваат апстиненцијата, други можат да полудат во „сушните денови“, па се однесуваат нескладно со својот карактер. Додека за тоа како мажите ја поднесуваат апстиненцијата повеќе се зборува, на сметка на жените се создаваат бројни вицови и теории за хистерија и нервоза кои ги предизвикува целибатот.
Уште древните Грци за жените кои некое време апстинираат велеле дека патат од хистерија, а „хистера“ е латинското име за матка.
Се верувало дека жените со водењето љубов добиваат импулс на задоволство кој патува од матката по целиот организам, а во негов недостаток патат сите органи. Резултатот е нервозна жена, која своите фрустрации ги лекува на околината. И додека тоа била теорија која владеела и која како хистерија се лекувала со вибратори, стручњаците денес зборуваат за тоа што навистина се случува во женското тело при поголеми фази на апстиненција.
Биологија на потребите
Кај жените во плодна фаза, односно од почетокот на менструацијата до климаксот, желбата за интимни односи се зголемува и намалува согласно со деновите од менструалниот циклус. За време на овулацијата, обично на средина на циклусот – потребата е најсилна.
Исто така, значително се зголемува и во деновите пред менструација, а во тој период најмногу „недостасува“ сексот. Со оглед на тоа дека со сексот се стимулира лачењето на хормонот на среќа, на психата дефинитивно и недостасува тој „издувен вентил“, но последиците на жената не се многу посилни од оние врз мажите, тврдат лекарите.
И додека женската мастурбација некогаш била табу тема, бројните модерни истражувања потврдуваат дека и жените на тој начин се олеснуваат, особено во периодите на апстиненција. Иако тоа генерално е во нешто помала мера отколку кај мажите, секако, е честа појава.
