Постојат разни причинители кои доведуваат до недостаток на витамини, како неправилна исхрана, строга диета, недоволна физичка активност, неумереност во алкохолот, одредени лекови и секако – болести.
Еве како може да препознаете дека организмот има недостаток од витамини:
- СУВИ ОЧИ
Витаминот А со причина е наречен очен витамин. Тој е и составен дел од солзната течност, односно слузницата на окото, па доколку очите ви се постојано суви, можеби ви недостасува токму овој витамин. Освен за слузницата на окото, витаминот А е нужен за здравјето на сите слузници (на пример, во усната шуплина, белите дробови, желудникот, цревата).
- НОЌНО СЛЕПИЛО
Според Светската здравствена организација, недостатокот на витамин А е главната причина за слепило кај младите кое може да се спречи. Се смета околу 500.000 милиони деца годишно го губат видот поради недостатокот од овој витамин. Но, не се само младите загрозена група, стручњаците предупредуваат дека и бремените жени треба да обрнат посебно внимание на внесот на доволно витамини.
- АНЕМИЈА
Анемијата се опишува како намален број на црвни крвни клетки (еритроцити) или хемоглобин во крвта. Често се смета дека причина за анемијата е намалениот внес на железо со храната, но причините за анемија може да бидат различни. Симптоми на анемија се: слабост, општ замор, бледа или жолтеникава кожа, бледи нокти и внатрешност на очните капаци. Кај потешките форми на анемија се јавува и вртоглавица, недостаток на здив, главоболка, зуење во ушите… Според нутриционистите недостатокот на овој витамин може да доведе до депресија, збунетост, проблеми со помнењето и деменција.
- БРЧКИ
“Недостатокот на витамин Ц ќе го забрза процесот на стареење“, појаснува нутриционистот Ен Рамарк, а тоа е поради тоа што тој го регулира производството на колаген, протеин одговорен за еластичноста на кожата. Зголемете го внесот на овошје и зеленчук, ако сакате да видите промени на лицето.
- ОТОЦИ НА НЕПЦАТА
Можно е недоволното количество на витамин Ц своите симптоми да ги крие во устата. Според стоматолозите, ако непцата ви се чувствителни, црвени или отечени можно е да имате недостаток на витамин Ц.
- ПРОБЛЕМИ СО СПИЕЊЕТО
Недоволната количина на витамин Д во органзимот е поврзана со бројни промени со сонот, а една од нив е и слабото спиење. Се поврзува и со нагласени воспалителни процеси во носот и синусите, што може да доведе до апнеа. Анализа на податоци од 2018 година покажуваат дека лицата со недостаток на витамин Д имаат за 50 проценти поголеми шанси да страдаат од пореметување на сонот, односно спиењето.
ВАЖНО
Недостатокот на витамини во нашето тело може да се манифестира на различни начини, во зависност од тоа кој витамин недостасува. Еве некои од најчестите симптоми:
- Замор и слабост: Недостатокот на витамини Б12, Д или железо може да предизвика чувство на постојан замор и слабост.
- Проблеми со кожата: Сува кожа, акни, егзема или други кожни проблеми може да бидат знак за недостаток на витамини А, Ц или Е.
- Проблеми со косата: Губење на косата, кршливи нокти или сува коса може да укажуваат на недостаток на витамини Б7, Б9 или цинк.
- Проблеми со видот: Намален вид во темница, суви очи или други проблеми со видот може да бидат предизвикани од недостаток на витамин А.
- Проблеми со имунолошкиот систем: Чести настинки, инфекции или бавно заздравување на рани може да бидат знак за недостаток на витамини Ц или Д.
- Проблеми со расположението: Депресија, анксиозност или раздразливост може да бидат поврзани со недостаток на витамини Б6, Б9 или Д.
Важно е да се напомене дека овие симптоми може да бидат предизвикани и од други здравствени проблеми, па затоа е важно да се консултирате со лекар доколку имате било какви симптоми. Лекар може да ви препорача тестови на крвта за да се утврди дали имате недостаток на некој витамин и да ви препорача соодветен третман.
Покрај тоа, важно е да се напомене дека најдобриот начин да се обезбедат доволно витамини е преку балансирана исхрана богата со овошје, зеленчук, житарки и протеини. Додатоци на витамини може да бидат корисни во некои случаи, но секогаш е најдобро да се консултирате со лекар пред да почнете да земате било какви додатоци.
