Многу познати дами како Џејн Фонда, Џоан Колинс… во својата биографија имаат запишано и сопствени видео туторијали со вежби за обликување на телото, но ниту едно селебрити видео не станало толку славно како она на Синди Крафорд од 1992 година.
Првичниот сет насловен „Shape your body“ опфатил два туторијали од по 40-минутни вежби и еден со 10 минути загревање.
Синди на сетот е со својот тогашен фитнес инструктор кој ја води низ целото вежбање снимено во затворен простор, на плажа, како и на кровот од една зграда. Во видеото манекенката не користи реквизити, освен тегови и тоа само во еден дел од вежбите. А тука е и едно столче кое и помага за потпирање во некои вежби. Инаку, вежбите се за целото тело, и тоа има за зацврстување на рацете, затегнување на задникот и колковите… Погледнете всушност зошто ова видео и после 25 години е едно од најпопуларните.
