Една од најпопуларните и најскапо платените моделки на деведесеттите години Синди Крафорд и денес, кога има педесет и кусур, е доказ дека годините немаат врска со изгледот и дека секогаш може да се има одлична фигура. Нејзината тајна лежи во редовниот спорт и правилната исхрана. Но понекогаш Синди си дозволува да се опушти и јаде „забранети“ намирници кои се „лепат“ за колковите, стомакот и задникот. За брзо да се ослободи од несаканите сантиметри и непожелни килограми таа користи мини диета.
Идеалната тежина за Синди е 58 килограми, а висока е 177 см и оваа тежина ја одржува сиот свој живот.
Диетата наречена Зона, ја развил американскиот биохемичар Бари Сирс во 1995 година и оттогаш таа се придржува до овој режим на исхрана секогаш кога има проблеми со килограмите.
Со овој режим на исхрана нема гладување и главната работа се 5-6 оброци (ручек и вечера плус две ужини кои не смеете да ги пропуштите). Сите оброци се во мали порции, во спротивно метаболизмот се забавува, а телото почнува да складира масти.
Следно правило е дека целата диета мора да биде урамнотежена: 30 % протеини, 40 % јаглехидрати и 30 % масти.
Предлог мени за оброци за еден ден:
- Појадок: пржени јајца, парче тврдо сирење (30г) и парче ’ржан леб
- Ужина: зелено јаболко, грозје или овошна салата (150 г)
- Ручек: риба или пилешко месо (150 г) со замрзнат зеленчук, мало парче ’ржан леб
- Ужина: портокал или 30 г сирење
- Вечера: зготвено (варено) говедско (150 г), салата од зеленчук (100 г) со лажица маслиново масло, четвртина чаша варен грав
Пред одење в кревет: чаша јогурт или кефир со ниска масленост
Но како и сите ние и Синди понекогаш си дозволува хамбургер, но откако ќе „згреши“ следува напорен тренинг и двонеделна диета. Во текот на овој период се ослободува од вишокот (за две недели може да загубите до 5 кг).
Главното јадење за оваа диета е нискокалорична супа направена од бела зелка. Ова јадење можете и би требало да го консумирате 5 пати на ден.
Супата се приготвува на вода со додаток на моркови, домати, пиперка, целер, зелен грав, зелен кромид и магдонос. Магдоносот го нормализира варењето и е добар диуретик. Супата не смее да содржи компир и друг зеленчук кој е богат со јаглехидрати.
Покрај супата можете да додадете и свежо овошје и зеленчук, млеко (еднаш неделно, не повеќе од 250 мл), јогурт (еднаш неделно не повеќе од 150 мл), интегрален ориз.
Исто така, можете да јадете и месо (пилешко или мисиркино не повеќе од 150 г) или риба (200г), приготвена на пареа.
Пијте чиста вода без ограничувања. Исто така, дозволен е и зелен чај и црно кафе без шеќери и млеко (најмногу две дневно).
За време на диетата забранета е конзервирана храна, производи од брашно, чоколади, слатки, газирани и алкохолни пијалаци.
Понеделник: супа, свеж зеленчук (неограничено) и диететски јогурт.
Вторник: супа, свежо овошје (без ограничувања) и јогурт со ниска масленост.
Среда: супа, свежо овошје и зеленчук (без ограничувања).
Четврток: супа и варено пилешко.
Петок: супа, варено говедско или телешко.
Сабота: супа, свеж зеленчук (без ограничувања) и јогурт со ниска масленост.
Недела: супа, свежо овошје и зеленчук (без ограничувања).
