Симптомите на грип се разликуваат од лице до лице. Некои може да имаат многу благи симптоми, а некои тешко се разболуваат, односно развиваат воспаление на белите дробови (пневмонија) или сепса.
Ризикот од заболување зависи од неколку фактори, од кои еден е возраста. Така, луѓето над 65 години и децата под две години се изложени на најголема опасност.
И бремените жени се исто така ризична група бидејќи нивниот имунитет е малку ослабен. Луѓето со хронични болести како што се астма, срцеви заболувања и дијабетес се исто така позагрозени.
ПЕРИОД НА ЗАРАЗА
Грипот е најзаразен еден ден пред да се појават симптомите и неколку дена откако ќе се појават симптомите. Но, некои луѓе можат да бидат заразни една недела или повеќе по почетокот на болеста, потенцираат лекарите.
За да се спречи ширењето на болеста, треба да останете дома додека не поминат сите симптоми и температурата не престане да се зголемува.
НАЈЧЕСТИ СИМПТОМИ
- Покачена телесна температура
- Кашлица
- Болки во мускулите и телото
- Болка во грлото
- Течење или затнат нос
- Главоболка
- Замор
Вообичаените симптоми на грип, објаснуваат експертите, вклучуваат температура која трае три до четири дена, силни болки во телото, треска, замор и главоболка. Симптомите обично се појавуваат брзо, а кај децата може да се јават и повраќање и дијареа.
Грипот главно може да се лекува дома, со одмораер и пиење многу течности. Но, доколку се појават сериозни потешкотии со дишењето, дехидрација, треска и напади, потребно е да се побара лекарска помош.
