Комбинацијата со мед и цимет е одлична за здравјето затоа што го спречува насобирањето на маснотиите во организмот. За ефикасно губење несакани килограми неопходни се одредени промени во навиките кои, секако, го вклучуваат и режимот на исхрана. Во продолжение ви претставуваме три рецепти за пијалаци што можат да ви помогнат да го одржувате здравјето и да постигнете витка линија.
Цимет и мед
Наједноставната комбинација со цимет и мед е одлична за губење несакани килограми бидејќи го спречува насобирањето на маснотиите во организмот, го чисти дигестивниот тракт и ги неутрализира штетните материи кои го забавуваат метаболизмот. Подготвувајте го овој пијалак во вечерните часови. Најпрво зовријте 200 милилитри вода. Во празна шолја сипете околу 2,5 грама цимет и потоа прелијте го со врелата вода. Затворете ја шолјата и оставете да се олади. Пред пиење, додајте 1 лажичка мед и испијте половина од дозата пред спиење, а остатокот ставете го во фрижидер и допијте го одма после будење, на празен стомак.
Цимет, мед и изртени пченични зрна
Овој пијалак може да ви помогне да ослабете и да го исчистите организмот од токсини. Потребни ви се 40 грама изртени пченични зрна. Ставете ги во поголем сад и потоа додајте една лажица мед и една лажица цимет. Прелијте со малку врела вода и 230 милилитри јогурт или кефир со низок процент на масленост. Добро промешајте. Ова е одличен избор за здрав појадок!
Цимет, мед и ѓумбир
Доколку го сакате ѓумбирот, тогаш можете да го направите овој совршен диетален пијалак. Ставете половина кафена лажичка цимет во шолја со млака вода. Потоа додајте и една лажичка ѓумбир во прав. По ваша желба, можете да го збогатите вкусот со мед и јогурт. Овој пијалак се пие на празен стомак, пред појадокот.
