Недостатокот на сон може да доведе до бројни здравствени проблеми и да влијае на вкупниот квалитет на животот на жените. Ново истражување сугерира дека недоволно квалитетен сон исто така може да доведе до сексуална дисфункција.
Инаку, проблемите со спиењето и сексуалните функции се почести кај жените на средна возраст. Повеќе од 26% од жените во средни години имаат значајни симптоми кои ги задоволуваат критериумите за несоница или инсомнија, а речиси половина од жените пријавуваат проблеми со спиењето во текот на транзицијата во менопауза. Исто така, до 43% од жените пријавуваат сексуални проблеми во текот на истиот период од својот живот.
Ова истражување покажало дека лошиот квалитет на сон, но не и траењето на спиењето е поврзан со поголеми шанси за сексуална дисфункција. За разлика од тоа, добриот квалитет на спиење бил поврзан со сексуална активност.
