Diastaza abdominale është një gjendje e zakonshme tek gratë shtatzëna dhe pas lindjes. Paraqitet kur muskujt e barkut ndahen gjatë shtatzënisë nga shtrirja. Kështu, barku mund të fryhet ose të dalë jashtë për muaj ose vite pas lindjes. Kjo është pikërisht arsyeja pse shumica e nënave në lindje konsultohen me mjekët e tyre.
Sipas “Healthline”, gjatë shtatzënisë, muskujt e barkut dhe indi lidhor shtrihen nga mitra, e cila zgjerohet ndërsa fëmija rritet. Gjithashtu, presioni dhe tensioni gjatë lindjes mund të çojnë në diastazë.
Shumë gra nuk janë të sigurta se si mund ta kuptojnë se është një diastazë, por simptomat ende ekzistojnë. Siç shpjegojnë ekspertët, simptoma më e zakonshme është një fryrje në bark që nuk largohet, sidomos kur sforcojmë ose shtrëngojmë muskujt e barkut.
Shenja të tjera përfshijnë:
- Dhimbje në pjesën e poshtme të shpinës
- Qëndrimi i keq
- Kapsllëk
- Fryrje.
Ndonjëherë mund të shfaqen edhe dhimbje të legenit, të cilat mund t’ia bëjnë të pamundur një gruaje kryerjen e detyrave të përditshme, qoftë edhe ato më të thjeshtat.
