Muajt e dimrit sjellin një sërë ndryshimesh sepse temperaturat bien pothuaj se nën zero. I gjithë ky ajër i ftohtë dhe i thatë – si rezultat i asaj që kalojmë edhe shumë kohë në ambiente të mbyllura – i bën dëm trupit.
Mund ta dallojmë në mënyra të vogla, me buzë të plasaritura, shkuarje hundësh dhe kyçe të mavijosura. Por këta janë vetëm disa tregues të vegjël të përshtatjes së trupit tonë ndaj temperaturave të ulëta dhe kushteve të dimrit.
Ja disa mënyra për atë se si ndikon dimri në shëndetin dhe trupin tuaj
Zemra
Rënia e temperaturës mund të shkaktojë ngushtim të enëve të gjakut. Që do të thotë se kur jashtë është ftohtë, zemra duhet të punojë më shumë për të pompuar gjakun nëpër trup. Kjo gjithashtu mund të kontribuojë në rritjen e presionit të gjakut, rritjen e rrahjeve të zemrës dhe trashjen e gjakut.
Stresi shtesë mund të rrisë rrezikun e problemeve të zemrës, veçanërisht tek ata me sëmundje ekzistuese të zemrës ose tek personat e moshuar.
Mushkëritë
Moti i ftohtë është një problem jo për shkak të vetë temperaturave të ftohta. Çështja është përmbajtja e lagështisë: ajri i ftohtë ka tendencë të mbajë më pak lagështi sesa ajri i ngrohtë. Dhe kalimi nga ajri i thatë i dimrit mund të jetë i vështirë: shpesh ajri në ambiente të mbyllura është tepër i thatë ndërsa ne ndezim termometrat tanë për të luftuar temperaturat e ftohta jashtë.
Moti i ftohtë është një shkaktar i zakonshëm i astmës. Ajri i ftohtë jashtë mund të shkaktojë ënjtjen e rrugëve të frymëmarrjes në trupin tuaj – duke i bërë ato më të ngushta. Kjo e bën më të vështirë kalimin e ajrit nëpër mushkëri. Ajri i ftohtë gjithashtu mund të bëjë që muskujt në trup të shtrëngohen dhe tkurren, gjë që gjithashtu pengon ajrin të kalojë. Njerëzit me astmë kanë tuba bronkialë të ndjeshëm që mund të irritohen lehtësisht, duke rezultuar në simptoma të astmës si kollitja, fishkëllima dhe frymëmarrje e rënduar.
Njerëzit me COPD, ose sëmundje pulmonare obstruktive kronike, mund të përjetojnë spazma të mushkërive si rezultat i ekspozimit ndaj ajrit të ftohtë – i cili është i ngjashëm me një atak astme.
Sinuset
Ajri i ftohtë gjithashtu mund të thajë mukozën në sinuset tuaja – një problem për njerëzit me dhe pa sëmundje kronike të mushkërive. Kur mukoza në sinuset tuaja thahet, trupi mund të prodhojë edhe më shumë mukozë. Ajri i ftohtë që hyn në hundë gjithashtu mund të bëjë që enët në hundë të zgjerohen dhe të stimulojnë më shumë prodhimin e mukusit. Kjo është arsyeja pse ju kur hyni brenda apo nga jashtë brenda hunda shpesh ju rrjedh.
Kur mukoza thahet, trupi është gjithashtu i prekshëm ndaj infeksionit – gjë që mund të jetë një rrezik konkretisht për njerëzit me probleme kronike të frymëmarrjes. Rritja e prodhimit të mukusit mund të rrisë gjithashtu kongjestionin dhe të përkeqësojë simptomat e tjera të frymëmarrjes tek njerëzit me probleme kronike të frymëmarrjes.
Lëkura
Temperaturat e ftohta shpesh nënkuptojnë lagështi të ulët dhe ajër jashtëzakonisht të thatë. Nuk lehtësohet gjendja as brenda, pasi sistemet e ngrohjes brenda shpesh prodhojnë ajër të ngrohtë që është gjithashtu jashtëzakonisht i thatë. Për më tepër, një dush i ngrohtë në dimër mund t’ju bëjë të ndjeheni mirë – por uji i nxehtë mund të kontribuojë më tej që ju të keni një lëkurë të thatë dhe të keni kruarje.
Kalimi nga ajri i ftohtë i jashtëm në ajrin e ngrohtë të brendshëm mund të bëjë që lëkura të skuqet dhe të inflamohet, pasi enët e gjakut në lëkurë zgjerohen me shpejtësi dhe tkurren për të përshtatur ndryshimin e temperaturës.
Tharja është shpesh një shkas për sëmundje të lëkurës si psoriaza dhe ekzema. Nëse keni një gjendje kronike të lëkurës dhe ju jeni vazhdimisht me një ofrues të kujdesit shëndetësor për të menaxhuar simptomat tuaja, bisedoni me të se si të detektoni më mirë shkaktarët e motit të ftohtë gjatë muajve të dimrit.
Njerëzit me artritis
Moti i ftohtë nuk shkakton artrit, por ekspertët thonë se mund të përkeqësojë dhimbjet. Temperaturat e ftohta mund të ngadalësojnë qarkullimin e gjakut, të rrisin ndjeshmërinë e trupit ndaj dhimbjes dhe të shkaktojnë spazma të muskujve.
Shpesh, me uljen e temperaturave, ndryshon edhe sasia e presionit të ajrit në atmosferë (presioni barometrik). Disa njerëz zbulojnë se nyjet i reagojnë edhe këtij lloj ndryshimi – pasi rënia e presionit barometrik mund të shkaktojë zgjerimin e muskujve dhe tendinave në trup; duke shtypur një kyç tashmë të lënduar.
