Денешната анимација всушност е приказ на нормалната анатомија и фунција на скочниот зглоб. Воедно дава и опис на хируршкиот зафат за замена на зглобот со имплант (протеза). Замената на зглобот се нарекува зглобна артропластика и се препорачува кај луѓе кои имаат артритис на зглобовите. Процедурата се прави со цел намалување на болката и подобрување на подвижноста на зглобот.
Протезата може да биде делумна, а материјалите кои се користат за изработка се метали, како на пример, челик и титаниум, керамика или пластични маси. Најчесто се менуваат зглобот на колкот и коленото. Инаку, сите зглобови во телото можат да се заменат со вештачки.
