Првата успешна трансплантација на рака била изведена во Франција во далечната 1998 година и оттогаш до денес се направени неколку стотици вакви зафати. Интересно е дека всушност постојат извештаи кои потврдуваат дека трансплантацијата постоела пред научното разбирање и унапредување на техниките потребни за развивање на оваа гранка.
Првите податоци укажуваат дека во вториот век пред нашата ера индискиот хирург Сушрута вршел трансплатација на кожата во носот, како и извесна пластична хирургија на нос. Успехот на овие операции не е добро документиран. Римската католичка митологија говори дека во третиот век ногата на некој ѓакон Јустинијан зафатена од гангрена била заменета со нога на починат Етиопјанин. Неколку векови подоцна, италијанскиот хирург Гаспаре Таглиацози извршил успешна трансплантација на кожа и за првпат укажал на проблемот со отфрлање на новите органи од телото на примателот, неколку века пред медицински да биде разбран целиот механизам. Тој говорел за „силата на моќта на биолошката единка“ уште во 1596 г., во книгата што ја објавил на оваа тема.
