Пневмонија или воспаление на белите дробови е една од најчестите болести на белите дробови, која може да биде предизвикана од кој било организам за кој се знае дека може да предизвика инфекции кај луѓето. Тука спаѓаат бактериите, амебите, вирусите, габите и паразитите. Во САД пневмонијата е шестата болест по степен на појавување која може да резултира со фатален исход; секоја година 2 милиони Американци добиваат пневмонија, а 40 000 до 70 000 умираат како последица од оваа болест. Пневмонијата, исто така, претставува најчеста инфекција со фатален исход како крајна фаза кај некои пациенти кои се веќе интернирани од друго заболување. Дури и во случаите кои не завршуваат фатално, пневмонијата претставува значителен економски товар на здравствениот систем. Една студија проценува дека вработените лица во Америка кои добиваат пневмонија ги чинат своите работодавачи петпати повеќе отколку што изнесува сумата на здравственото осигурување по глава на работник.
Еве што се случува во белите дробови за време на пневмонија!?
Видеото е всушност приказ на симптомите, ризик факторите и што всушност се случува во организмот кога се соочува со ова воспаление. Погледнете:
