Она што е важно при овој тип на тренинг е да се совлада основата, која се состои од вежби кои се фокусирани на долниот дел на телото, колковите, задникот и листовите. Преку ова видео лесно ќе ја совладате основата, само следете ги инструкциите. Аква пилатесот има предност бидејќи водата создава за 12 пати повеќе отпор од воздухот. За разлика од гравитацијата, отпорот во водата се применува во двата правци, па секое поместување влијае на две мускулни групи. За разлика од аква аеробикот, пилатесот под вода го вклучува и горниот дел од телото кој се активира со дополнителни вежби за растегнување.
Според одредени истражувања, доколку вежбате пилатес под вода за 12 недели можете да бидете повитални и да имате позатегнати нозе. Овој тип на вежбање е идеален за луѓето кои имаат проблеми со рамнотежата. Овој спорт ја подобрува и густината на коските и го намалува ризикот од создавање остеопороза. Аква пилатесот го прави телото полесно за дополнителни 40 %, па ова е идеално за луѓето кои имаат проблеми со зглобовите или болки во коските. Вежбањето во вода не ги оптоварува зглобовите и со тоа се намалува ризикот од повреди
Препорачливата температура во базенот треба да е помеѓу 26 и 28 Целзиусови степени, а тренингот да трае 50 минути. Се препорачува подлогата во базенот да биде рапава, заради стабилноста при изведување на чекорите.
