Ноктите на бебињата растат многу брзо и треба да се сечат два до три пати неделно. Најдобро е ако тоа се прави под добра светлина и додека бебето лежи мирно (вниманието му го одвлекувате со некоја играчка или имате со вас некој кој ќе ви помогне), односно додека спие. Бидете внимателни при сечењето, но и имајте на ум дека не треба да оставате остри рабови затоа што може лесно да се изгребе.
Се што ви треба е грицкалка или ножички, малечка турпија и стерилна газичка во случај да го „штипнете“ малечкото. Не користете фластери бидејќи тие може лесно да завршат во устата на бебето.
