Знаете ли дека одредено овошје и зеленчук не само што не морате, туку и не треба да го лупите? Освен што ќе заштедите време, ќе задржите и многу хранливи состојки и вкусови, кои би се изгубиле со лупењето.
Компири
Вообичаено е кога приготвувате пире, компир салата па дури и печен компир, да ја отстранувате кората. Но, тоа е лоша идеја, бидејќи 20 проценти од хранливите вредности, како што е витамин Б, траги на минерали и влакна, доаѓаат од кората. Компирите само добро измијте ги.
Домати
Кората на доматите содржи фитонутриент насунин – силен антиоксидант, кој помага во борбата против оштетувањето на клетките поради кои доаѓа до стареење или болести.
Краставици
Иако може да биде малку груба, кората на краставиците е одлична за зајакнување на имунитетот, бидејќи содржи антиоксиданти и влакна, кои спречуваат запек.
Моркови
Се додека убаво ги миете, нема никаква потреба да ги лупите.
Јаболка
Многумина ја отстрануваат кората бидејќи им е тешко да ја џвакаат, но кората на јаболката е богата со влакна, кои ќе ве заситат и ќе помогнат во варењето на храната.
- На крај, имајте на ум дека ова се однесува на овошје и зеленчук од органско потекло.
