Ако не сте знаеле, боровинките потекнуваат од Северна Америка. Овие темновиолетови плодови се вистинска суперхрана, бидејќи имаат малку калории, а нивното влијание врз здравјето се рефлектира во многуте придобивки. Богати се со различни хранливи состојки, како витамин Ц и К, а содржат и калиум, калциум, диетални влакна и антиоксиданти.
Боровинките се важен партнер во борбата против деменцијата
Во продолжение – како боровинките влијаат врз вашето здравје
- Го намалуваат високиот крвен притисок
Научно е докажано дека боровинките го намалуваат високиот крвен притисок, без оглед на полот и возраста, а редовното консумирање на ова зрнесто овошје, исто така, го намалува и ризикот од срцев удар.
- Спречуваат инфекции
Листовите од боровинките се исто така многу корисни за зачувување на здравјето на луѓето и зајакнување на имунитетот. Имено, од нивните лисја може да се направи природен чај, кој ги спречува и влијае врз брзото поминување на разни инфекции и воспаленија. Лековитите својства на боровинките помагаат при разни тегоби како што е воспаление на усната шуплина, воспаление на уринарниот тракт и го спречуваат бактериското дејство во организмот.
- Го регулираат шеќерот
Кај дијабетес тип 2, се покажало дека боровинките имаат силно влијание врз регулирањето на шеќерот во крвта, а поради нискиот гликемиски индекс, посебно им се препорачуваат на дијабетичарите.
- Идеални се за зајакнување на имунитетот
Поради високиот удел на антиоксиданти и витамин Ц, боровинките имаат многу силна улога во зајакнувањето на имунитетот. Го неутрализираат дејството на слободните радикали, со што ги намалуваат токсините кои влегуваат во организмот.
- Го чуваат видот
Антиоксидантите кои ги содржат боровинките ја штитат мрежницата на окото, која има голем ризик од оксидативно оштетување и стрес. Најмоќниот антиоксидант е антоцијанин, кој влијае на капиларите во мрежницата на окото, ја подобрува нивната функција и делува на лекување на слабиот вид.
- Штитат од деменција
Боровинките се важен партнер во борбата против деменцијата. Со нивна редовна консумација, меморијата може значително да се подобри, а корисни се и кај постарите лица кои имаат проблеми во когнитивните функции, бидејќи го успоруваат стареењето на мозокот.
