Денешното видео всушност е анимација која го прикажува минимално инвазивниот зафат за решавање на сколиозата, кој се изведува на Корејската универзитетска болница Гуро. Погледнете го видеото, навистина е импресивно, а не помалку импресивни се и резултатите од зафатот.
Што е сколиозата? Кога ќе погледнете во нечиј грб ќе забележите дека ’рбетот поминува точно по средината. Но кога некое лице има сколиоза, тогаш ’рбетот се искривува на страна. Аголот на искривувањето може да е мал, голем или некаде помеѓу. Се што е измерено со повеќе од 10 степени се третира како сколиоза, а може да се користат и буквите “C” и “S” за да се опише искривувањето. Што ја предизвикува сколиозата? Во поголемиот дел од случаите докторите не можат да ја најдат точната причина, но не е секогаш така…
