Несоницата е проблем на голем број луѓе, кои на различни начини се обидуваат да дојдат до решение за својата мака. Во продолжение, ви предлагаме да направите чај против несоница, а еве како се подготвува…
Потребни состојки:
- 20 г сушени цветчиња од камилица
- 20 г сушени цветчиња од лаванда
- 20 г сув невен
Измешајте ги билките и ставете ги во тегла.
Подготовка: Една лажица од добиената мешавина прелијте со 3 дл топла вода и оставете ја покриена да отстои најмалку 1 час. Процедете и додадете лимон и мед, по желба. Се пие половина час пред спиење, но исто така може да се пие и во попладневните часови. Смирува, опушта и успива.
Лавандата има моќ на опуштање, релаксирање. Нејзиниот мирис е опоен, но таа, исто така, го зајакнува и телото, помага при проблеми со дишните патишта, а познато е дека делува и при проблематична и масна кожа.
Камилицата ги опушта нервите, ги намалува ефектите на стрес, лесно успива, поради тоа што има седативно дејство. Познат е нејзиниот корисен ефект врз цревата, помага при главоболки и генерално, болки.
Невенот делува благо успивачки, ги релаксира крвните садови и лесно го намалува притисокот. Помага при изгореници, рани, ја обновува сувата кожа.
